Certame da camelia
CERTAME DA CAMELIA 2022
Un ano mais o Concello de Soutomaior organiza para os vindeiros días 12 e 13 de marzo, o XX Certame e Exposición da Camelia na carpa do Castelo de Soutomaior.
Xa está aberto o prazo para realizar as inscricións do XX Certame da Camelia que terá lugar os días 12 e 13 de marzo no castelo de Soutomaior.
O prazo finalizará o 4 de marzo.
Os premios estarán divididos nos seguintes apartados:
- 1º,2º e 3º Premio á mellor flor
- 1º,2º e 3º Premio á mellor composición artística
- 1º e 2º Mellor traballo escolar
Mención especial a traballo escolar.
E como todos os anos os comercios locais pódense unir a este certame e terán 1º e 2º premios á mellor flor no escaparate e 1º e 2º premio á mellor composición artística no escaparate.
Así mesmo neste certame entregarase o premio especial Lelita Gradín.
CERTAMEN DA CAMELIA
“Por segundo ano queda suspendido o XX Certame da Camelia a consecuencia da Pandemia.”
CERTAME DA CAMELIA 2021
Dende a Concellería de Turismo do Concello de Soutomaior queremos agradecer a colaboración dos máis de corenta comercios que se sumaron á campaña de exposición de camelias nos seus negocios.
Este ano 2021 no seu lugar grazas a os comercios de Arcade e Soutomaior as súas rúas enchéronse de camelias engalanando os seus establecementos coa “Dama de Galicia”.
O Certame da Camelia é un dos fins de semana máis esperados do ano para os afeccionados á xardinería e a floricultura ao que tradicionalmente asisten máis de mil persoas.
A exposición é sempre un fin de semana e podese visitar a partir do sábado pola tarde e durante toda a xornada do domingo.
Constitúe unha magnífica oportunidade para gozar dos xardíns de Excelencia Internacional do Castelo de Soutomaior.
O Certame e Exposición da Camelia, xurdiu na Casa do Pobo do Val-Sobral cando Manuela Gradín era Presidenta da Asociación de Veciños 8 de decembro.O éxito acadado despois de 3 edicións fixo necesario máis espacio e máis dotacións. Por iso o Concello de Soutomaior recolleu a idea e dende o ano 2004 ven organizando o Certame no Castelo de Soutomaior coa colaboración da Deputación Provincial de Pontevedra.
A exposición gañou co novo marco de celebración, xa que debemos lembrar que nos xardíns do Castelo hai numerosos exemplares e diversas variedades de camelia.
Na actualidade máis de cen metros cadrados de composicións florais coas variedades máis buscadas enchen as salas do Castelo de Soutomaior. No certame prémianse as seguintes categorias :
Mellor flor, mellor traballo artístico e mellor traballo escolar.
A par faise un concurso de escaparates coa temática da camelia, polos comercios do Concello.
