Biblioteca Soutomaior

Xuventude

).Contacto:

R/Peirao, 8 – Multiusos, Arcade. 36690 Soutomaior

Telf. 986 700 822

e-mail: omix(arroba)soutomaior.com


Horario de atención ó público:

A partir do día 1 de outubro a OMIX comeza o horario de inverno. A atención ó publico na oficina realizarase os luns e mércores de 9 a 13 h e os martes e xoves de 16 a 20 h.

Lembrade que podedes facer as vosas consultas e pedir cita a través de correo electrónico omix@soutomaior.com ou ben por teléfono 986700822 ou por whastsAPP no número 638822868. Podedes deixar unha mensaxe e devolveremos a chamada o antes posible.

Aproveitamos para informarvos que a OMIX estará pechada por vacacións desde este xoves 24 ata o mércores 30 de setembro (ambos incluídos).

 

XIX Concurso de Postais e Felicitacións das festas de Nadal e Aninovo

XIX Concurso de Postais e Felicitacións das festas de Nadal e Aninovo

A entrega de postais e felicitación realizarase a través da web:
https://gabinetesoutomaior.com/index.php/programas-xuventude/concurso-postais-de-nadal-2020

Prazo de presentación:
O prazo de presentación para todas as modalidades REMATARÁ O MÉRCORES 16 DE DECEMBRO ÁS 14.00 HORAS.

Ante calquera dúbida podedes contactar coa OMIX nos números 986700822, 638822868 ou ben no correo omix@soutomaior.com

>> Ver bases

CAMPAÑA: HEROÍNAS E HEROES CON MÁSCARA

CAMPAÑA: HEROÍNAS E HEROES CON MÁSCARA

Requisitos: Mozos e mozas de 10 a 35 anos empadroadas/as no Concello de Soutomaior
Tamén poderán participar persoas non empadroadas que sexa alumnado das Escolas Municipais de Debuxo e Pintura, Teatro, bailes latinos, danza do ventre.
No caso de ser menores de idade cando te inscribas será necesaria a autorización de teu pai/nai/representante legal.
O prazo de participación será desde 23 de novembro ata o 18 de decembro de 2020.

COMO PARTICIPAR?
https://www.gabinetesoutomaior.com/index.php/programas-xuventude/heroes-e-heroinas-1
>> Ver bases

Programa xuvenil de actividades xullo- agosto

Programa xuvenil de actividades xullo- agosto

O programa de actividades inclúe unha proposta variada na que incluímos actividades formativas, actividades saudables, de lecer, de experimentación, de danza, etc. Haberá actividades presencias pero tamén actividade en liña para que a mocidade poida ter máis facilidades para participar e adquirir hábitos formativos a través da tecnoloxía dun xeito seguro e con calidade. As actividades propostas son:
SINTONIZA COA TÚA MELODÍA PROFESIONAL Formación presencial (2 h)
Para descubrir a través dunha experiencia de xogo as túas habilidades e todas as oportunidades que se poden atopar no actual mundo laboral.
NOVAS PROFESIÓNS DIXITAIS. FORMACIÓN CONTINUA NA REDE Formación presencial (10 h)
Ferramentas dixitais e comunicativas demandadas polo mercado laboral e ás que podes acceder gratuitamente para trazar itinerarios profesionais e mellorar a empregabilidade.
COMO CREAR UN PODCAST. Formación en liña (10h)
Creación de publicacións dixitais periódicas en serie, en audio ou en vídeo, co fin de difundir contidos a través de internet.
OBRADOIRO HEBECON Constrúe o teu robot de baixa tecnoloxía. Formación mixta en liña + presencial (10 h)
A partir de material de refugallo e co movemento DIY por bandeira, este obradoiro é o cóctel perfecto de creatividade e innovación. Achegarémonos á robótica dun xeito moi divertido e imos construír o noso “heboi”.
INICIACIÓN Ó CLOWN. Formación presencial (3 h)
Impartido pola actriz “MARIAM BAÑOBRE”. Diríxese a persoas se achegan por primeira vez ao mundo do clown. Non fai falta ningún coñecemento previo. Neste obradoiro xógase a improvisar e aprender, rise e fanse cousas moi ridículas.
AN ENGLISH SUMMER! CONVERSAS EN INGLÉS
Conversacións en inglés mediante xogos, role play, conversación, traballo en parellas e en grupo. Todo oral.
DANZAS URBANAS
Un total de 9 sesións, 3 por cada tipo de modalidade, cunha duración de 1 hora cada unha, tempo suficiente para poder ter unhas nocións básicas de diferentes movementos. Impartidas por mozos e mozas expertos nas seguintes modalidades urbanas: BREAK DANCE_ POPPING_HIP HOP
PONTE EN FORMA
Aprender pasos básicos de baile e realizar exercizo aeróbico para manterse en forma.
CIENCIA DIVERTIDA
promover a creatividade e a experimentación a través da exploración e da manipulación mediante exercizos moi sinxelos que nos achegan dun xeito lúdico á ciencia e á tecnoloxía para comprender mellor o mundo que nos rodea.
EXPLORANDO A NATUREZA. Xincana Medioambiental
actividade de exploración do entorno con “pistas” para desenvolver unha xincana interpretativa e coñecer as especies invasoras e autóctonas, a biodiversidade do río e a cultura local.
En todas as actividades teñen preferencia as persoas empadroadas no Concello de Soutomaior.
Para todas estas actividades haberá que inscribirse previamente en https://www.gabinetesoutomaior.com/index.php/inscricions-menu/inscricions-en-lina.
Consultar os prazos no díptico e toda a información sobre cada unha delas.
>> Ver díptico

Penso, logo existo… en galego! Soutomaior conmemora o día das Letras Galegas 2020

Penso, logo existo… en galego! Soutomaior conmemora o día das Letras Galegas 2020

Co gallo do Día das Letras Galegas que se conmemora o día 17 de maio o Concello de Soutomaior, a través da Concellería de Xuventude, promove esta campaña nas que se relaciona comunicación, tecnoloxía, mocidade e lingua galega. A campaña pretende dinamizar o uso da lingua galega entre a mocidade nas súas relacións diarias e no uso das redes sociais e tecnoloxía. A campaña vai dirixida a mozas e mozos de 12 a 35 anos empadroados/as no Concello de Soutomaior e será moi sinxelo participar.

Como participar?

USANDO A LINGUA GALEGA PARA
Escribir e compartir en galego unha reflexión, emoción, idea, proposta, aprendizaxe,… en relación á experiencia vivida durante estes últimos meses por causa do COVID-19.

EN FORMATO (escolles un):

Texto en galego acompañado dunha foto.
Vídeo con texto ou audio en galego.
PODES PRESENTALO A TRAVÉS DE (escolles un):

FACEBOOK (XUVENTUDE Concello Soutomaior)

SE o fas en FACEBOOK COMENTA directamente na publicación desta campaña que aparece no Facebook de Xuventude e no final do texto especifica o teu nome e apelidos para poder logo entrar no sorteo.

. INSTAGRAM

SE o fas en INSTAGRAM PUBLICA a túa creación e pon o teu nome e apelidos ó final para entrar no sorteo e UTILIZA OS HASHTAG:

#omixsoutomaior
#SoutomaiorPensoLogoExistoEnGalego

LEMBRADE que é moi importante para entrar no sorteo indicar o nome e apelidos cando se fai a publicación ou comentario.

Os prazos para particiar son desde: o día 17 de maio ata o 24 de maio (completos).

Soamente se admitirán a sorteo as presentadas durante este tempo.

No caso de ser menores de idade ou de non ter Facebook ou Instagram poderá subir a túa publicación outra persoa porque o importante será o nome que figure no final como autor/a. Este será o nome da persoa que participa e polo tanto da persoa que entra no sorteo.

Únicamente entrará a sorteo unha publicación por persoa. Cando unha mesma persoa presente varios soamente entrará en sorteo o primeiro subido en calquera das redes que use.

As persoas que participen entrarán nun SORTEO de 2 ORDENADORES PORTÁTILES: HP 250 G7 6MR06EA Intel® Celeron N4000 1.16GHZ; Memoria 8GB DDR4 2400; MHz Pantalla 15,6″ HD LED (1366 x 768); Graphics UHD 600; Disco Duro SSD 256GB M.2 SATA; Super Multi Dual Layer (S-ATA) WINDOWS 10 PROFESIONAL 64Bits; Batería 3,0 Horas aprox. Sofware en lingua galega.

Cando se peche o prazo de participación e previamente á data do sorteo emitirase un certificado coa relación de persoas que participaron e que cumpriron coa mecánica de funcionamento da campaña. A continuación publicarase esta lista xunto co día, hora e lugar da data do sorteo nas redes sociais do Concello de Soutomaior e nas súas web:

https://www.soutomaior.gal/gl/
https://www.gabinetesoutomaior.com/

>> Ver bases

>> Ver listado provisional de participación

>> Ver listaxe final de participantes que entran a sorteo
 

Convocatorias:

Danza do ventre

 

Do: 04-10-2018 ó: 27-06-2019

Lugar actividade: Baixo Praza de Abastos de Arcade

Horarios: xoves de 21 a 22 

Destinatarios/as: + 12 anos (menor con autorización)
Prazas: 18/grupo

Inscricións ata: Mércores, 26. Setembro 2018

Bailes latinos

 

Inscricións ata: Mércores, 26. Setembro 2018

Datas do: 02-10-2018 o: 25-06-2019 

Lugar: Baixo Praza de Abastos de Arcade

Horarios: martes de 21 a 22

Destinatarios/as: + 12 anos 

Escola municipal de circo

 

Inscricións ata: Mércores, 26. Setembro 2018

Datas do: 04-10-2018 o: 30-05-2019 .

Lugar: Baixo Praza de Abastos de Arcad.e

Horarios: realizarase no de maior demanda.

Destinatarios/as: + 10 anos (menor con autorización) / 15/grupo

 

Guitarra española

Escola Municipal de Cociña para Xóvenes 

Inscricións ata: Mércores, 26. Setembro 2018

Datas do: 02-10-2018 o: 28-05-2019 

Lugar: Multiusos de Arcade
Horarios: (1h/semana)

Destinatarios/as: + 7 anos 

 

Escola Municipal de Cociña para Xóvenes

 

Inscricións ata: Mércores, 26. Setembro 2018

Datas do: 02-10-2018 o: 31-05-2019 

Lugar: PENDENTE

Horarios: realizarase no de maior demanda

Destinatarios/as: + 10 anos (menor con autorización) / 15/grupo

Escola de Debuxo e Pintura

 

Inscricións ata: Mércores, 26. Setembro 2018

Datas do: 05-10-2018 o: 31-05-2019

Lugar: Multiusos de Arcade
Horarios: 4 Grupos de horarios

Destinatarios/as: + 4 anos (menor con autorización) / 12/grupo

Escola municipal de teatro

Inscricións ata: Mércores, 26. Setembro 2018

Datas do: 05-10-2018 o: 21-06-2019 /

Lugar: Multiusos de Arcade

Horarios: 3 grupos de horarios

Destinatarios/as: 4 - 17 anos (menor con autorización) / 20/grupo

 

Coñécenos

OBXECTIVOS:

Son moitas as razóns dun servizo que promova a información e dinamización xuvenil. Destacamos as seguintes:

1. A información é o primeiro paso para a participación real en democracia.
2. A información é unha peza básica para a inserción socio laboral da mocidade.
3. A mocidade etapa na que se toman moitas decisións.
4. Necesidade de facer pedagoxía para un uso axeitado do tempo libre

Por tanto o servizo de xuventude ten como obxectivos:

– Informar a través dun servizo especializado que lles axude a extraer da cantidade a calidade da información para o que buscan. Información sobre convocatorias de premios e concursos, cursos, bolsas, ofertas de emprego, campamentos, actividades lúdicas e culturais, carnés, axudas, etc.

– Asesorar e orientar: orientar á mocidade en temas específicos sobre posibilidades, oportunidades e recursos que teñen á súa disposición. Sobre os pros e contras, as dificultades e posibilidades en relación ó proceso de toma de decisións á hora de abordar un problema ou situación.

– Fomentar a participación da mocidade na vida da colectividade (voluntariado, asociacionismo, grupos informais) co fin de contribuír a formar persoas activas na dinámica social.

– Estimular e apoiar a investigación, co fin de coñecer os intereses, necesidades e demandas da mocidade, fomentar a reflexión dos/as propios mozos e mozas sendo esta un soporte para o funcionamento do servizo de xuventude e un observatorio das súas necesidades.

– Difundir experiencias interesantes para motivar a outros/as mozos/as fronte á pasividade e ó escepticismo. – Formar en competencias básicas que poidan mellorar as súas habilidades sociais e competencias técnicas para facilitar a súa incorporación á realidade sociolaboral.

PRINCIPIOS:

 O traballo da oficina céntrase en garantir o dereito das e dos mozos á información e ten como principios:

–    Estar aberto a toda a poboación nova sen excepción para garantir a igualdade no acceso á información.
–    Fácil acceso, sen necesidade de cita previa.
–    De balde
–    Información dispoñible contrastada baseada nas demandas xuvenís así como nas necesidades de información detectadas desde o servizo que se actualiza permanentemente.
–    Respostas personalizadas, confidenciais e  obxectivas
–    Anonimato
–    Colaboración institucional e comunitaria

PROGRAMAS MUNICIPAIS:

  •  Programa de información, asesoramento e orientación xuvenil:

INFORMACIÓN XUVENIL XERAL

Información sobre convocatorias de premios e concursos, cursos, bolsas, ofertas de emprego, campamentos, actividades lúdicas e culturais, carnés, axudas, servizos de apoio á mocidade, recursos europeos, estatais, autonómicos e locais, etc.

COMO ACCEDER?

1_Atención directa
Información e asesoramento en persoa, por teléfono, por correo electrónico omix(arroba)soutomaior.com, a través do sitio web www.soutomaior.gal e nas súas redes sociais: Facebook xuventude soutomaior e Twitter @xuvesouto

2.- Autoconsulta
Na oficina a través dos diferentes paneis e dossieres organizados por temáticas e a través da información colgada na web e nas redes sociais.

3.- Antenas e carpetas informativas
Espazo informativo de autoconsulta habilitado en diferentes equipamentos da localidade, que ofrece información para ser manexada directamente pola mocidade e que está especializado en informacións con caducidade, convocatorias vixentes. Actualmente:
Antena informativa (CPI Padín Troiteiro)
Antena informativa (Colexio Santiago Apóstol)
Carpetas informativas (Concello)
E, de xeito puntual en centros de saúde ou en departamentos municipais doutras áreas, sendo estas as encargadas de difundir a información que se lles facilita.

4.- Subscrición de balde nas Bases de datos, envío de mailings, boletíns e redes sociais.
Achegamos a información á mocidade a través do servizo de mensaxería instantánea DE BALDE xestionado a través da aplicación TokApp School a todas aquelas persoas que se anotan previamente na base de datos.
Subscricións de balde a:
BIX (boletín de información xuvenil) publicado en PDF para a súa consulta electrónica ou en versión papel (formato PDF) no que se recolle a información sobre as actividades programadas para cada trimestre e como inscribirse.
SOUTONEWS, magazine xuvenil. Noticiario confeccionado pola mocidade con seccións de: deportes, sucesos, turismo, economía, cotilleos, música e cultura, etc. Cada mes este noticiario terá unha edición dixital EN LIÑA que se editará e se fará pública na web do Concello (en inglés subtitulada en galego).

5.- Documentación: préstamo a domicilio de guías de viaxes, préstamo e consulta en sala e a través de guías de recursos para atopar a información.

6.- Subscrición a Boletíns electrónicos de información

ASESORÍAS

Orientar á mocidade en temas específicos sobre posibilidades, oportunidades e recursos que teñen á súa disposición.

ÁREAS:

Educación: asesoramento e orientación en temas relacionados coa oferta educativa e formativa e o mundo do estudante.

Emprego e formación ocupacional: como buscar, recursos para o emprego, orientación persoal e currículo, etc.

Asociacionismo e voluntariado: asesorar para dinamizar e propiciar a participación xuvenil a través do asociacionismo, voluntariado, grupos informais… Pasos para constituír unha asociación, como facerse voluntario/a, entidades nas que participar, programas de voluntariado, etc.

Iniciativa xuvenil: asesoramento e orientación para poñer en marcha as súas ideas, elaboración de proxectos, etc.

Turismo xuvenil: aloxamentos, viaxes ao estranxeiro, documentación, cursos de idiomas, etc.

COMO ACCEDER?

Sen necesidade de pedir cita previa Atención directa en persoa, por teléfono ou por correo electrónico omix(arroba)soutomaior.com

 

  •  Programa de dinamización e participación xuvenil

Desenvólvese a través da programación anual de actividades tendo en conta as seguintes ÁREAS:

ÁREA DE EDUCACIÓN E FORMACIÓN

Programación trimestral mediante a cal se ofertan cursos demandados pola mocidade ou froito de necesidades detectadas, PUBLICADA NO BIX:

ACCIÓNS encamiñadas á adquisición de competencias básicas sociais, dixitais, etc.
Exemplos:
–    Cursos de informática e tecnoloxías como o de aplicacións informáticas ou o de creación audiovisual
–    Cursos de fotografía
–    Curso de preparación das probas libres da ESO

ACCIÓNS dirixidas a traballar as intelixencias múltiples no eido da educación non formal:
Exemplos:
–    Escola municipal de Debuxo e Pintura
–    Escola Municipal de Teatro
–    Guitarra española
–    Bailes e movemento: latinos, danza do ventre, ponte en forma, aquagym, etc.

ACCIÓNS encamiñadas cara a adquisición de competencias específicas para incorporarse ao mercado laboral con prácticas en empresa:
Exemplos:
–    Curso de manipulación de alimentos
–    Curso oficial de monitores/as de tempo libre
–     Curso de operacións básicas como camareiro/a de pisos
–    Curso de monitor/a acompañante de transporte escolar
–    Curso de carretas elevadoras
–    Etc…

ÁREA DE SAÚDE E PREVENCIÓN

Inclúense aquí as actividades que teñen que ver coa prevención de conductas de risco e conductas violentas.

-Programa a túa saúde ti decides
-Moceando
-Programa de prevención da violencia e mediación xuvenil

ÁREA DE CREATIVIDADE, LECER, TEMPO LIBRE E PARTICIPACIÓN XUVENIL

Dentro desta área proponse unha oferta variada:

–    QUEDADA! para…  proxecto de actividades lúdicas e de dinamización xuvenil onde a principal liña de acción é o LECER E TEMPO LIBRE como espazo educativo e de aprendizaxe non formal. Ofértamos: cine, festas, obradoiros municipais en festividades singulares: entroido, samaín, Nadal, etc.

–    Aventura e turismo xuvenil: excursións para facer turismo de aventura: exemplo iniciación ao surf, etc.

–    Concursos: Verbas para comunicar (letras galegas), Karaoke, Postais de Nadal, etc.

–    Exposicións, festivais e exhibicións artísticas:
Festival danzarte (guitarra, debuxo e pintura, bailes, performance,    etc.)
Representacións teatrais da Escola Municipal de Teatro
Festival de Cultura Urbana (bmx, sccoter, graffiti, rap, beetbox, etc)

–    Charlas e seminarios.

Este sitio web emprega cookies para que vostede teña a mellor experiencia de usuario. Si continúa navegando está dando o seu consentemento para a aceptación das mencionadas cookies e a aceptación da nosa política de cookies, pinche o enlace para maior información. // Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies