info coronavirus

Comisión de seguimento do COVID-19 do Concello de Soutomaior

Na última reunión da comisión de seguimento do COVID-19 do Concello de Soutomaior, celebrada no día de onte, deuse conta das accións máis importantes e agradeceuse ás seguintes persoas e establecementos locais as doazóns realizadas ao Concello ou ao Centro de Saúde:.

– Jacobo Martínez (marisquería Arcade) doazón de alimentos.
– Víctor López (Arcade Visión) doazón mascarillas
– María Teresa Pérez, doazón guantes
– Rosario Couñago (Rapaces) doazón de mascarillas
– Centro de Día Boas Apertas doazón material sanitario
– Costureiras de Arcade doazón de mascarillas

– A través de Protección Civil levaron a cabo actuacións de compra e servizo a domicilio a persoas maiores de medicinas e alimentos.
– Así mesmo forneceuse de alimentos ás persoas máis necesitadas e que o requiriron.
– Leváronse a cabo labores de desinfección en lugares e edificios tanto do centro urbano de Arcade e Soutomaior, zonas de maior afluencia, así como noutras zonas do rural coa colaboración de operarios municipais.
– Por parte da empresa Urbaser do baldeo de rúas e desinfección de contedores.
– Reforzouse a policía local coa contratación de 2 novos auxiliares para reforzar a vixilancia mentres dure o estado de alarma.
– Posta en servizo de atención psicolóxica para quen o necesite a través do CIM dous días por semana en principio.
– Aprazamento das taxas municipais e elaboración dun novo calendario fiscal que se acordará cando termine o estado de alarma.
– Establécense servizos mínimos nas dependencias municipais, excepto servizos sociais que terán servizos diarios.
– Peche de todos os parques infantís, zonas de lecer e aparcamentos do Periao mentres dure o estado e alarma.
– Posta en servizo dun apartado específico na páxina web do Concello en relación a recomendacións sanitarias e de saúde pública de interese xeral para o control do COVID-19
– Comunicado conxunto do Alcalde, Agustín Reguera e do Portavoz Municipal do BNG, Manuel Lourenzo #ante a alerta sanitaria.
– Apertura de rexistro de voluntariado para a colaboración que distintas persoas fixeron chegar ao Concello e que se canalizarán por medio da Agrupación de Protección Civil.

O Concello de Soutomaior quere enviar unha mensaxe de agradecemento a todas as persoas que durante esta crise sanitaria xerada polo coronavirus están a facer posible a asistencia sanitaria e a prestación de servizos básicos á cidadanía e insiste na necesidade e a importancia de que todos nos quedemos na casa e sigamos as recomendacións e medidas marcadas polas autoridades sanitarias e polo decreto de alarma

 

 RECURSOS E DOCUMENTACIÓN

  • Información á cidadanía: preguntas máis frecuentes sobre as restricións vixentes en Galicia tras a declaración da Emerxencia Sanitaria

  • Páxina web específica con toda a información oficial sobre todos os Decretos aprobados polo Goberno de España e que incorpora ademais, un servizo de consultas: http://covid19.femp.es/

 

Guía de boas prácticas para os establecementos do sector comercial.

 EDUCACIÓN

Axudas de comedor escolar mentres estean suspendidas as clases presenciais

O Concello de Soutomaior informa que a partir de mañá e ata o vindeiro día 6 de abril, permanecerá aberto o prazo para solicitar as axudas de carácter directo dirixidas ás familias do alumnado beneficiario de bolsas de comedor escolar cuxo servizo xestiona a Consellería de Educación, Universidade e Formación Profesional, mentres estean suspendidas as clases presenciais.

Deste xeito, a Consellería de Educación aboará os menús escolares de todos os días lectivos mentres estean suspendidas as clases presenciais a aquelas familias que durante o curso son beneficiarias dunha bolsa de comedor gratuíta (que non pagan nada polo servizo) ou semigratuíta que pagan 1 euro/día, naqueles centros públicos cuxo servizo de comedor está xestionado pola Consellería.

Presentación de solicitudes

Tal e como publica hoxe o Diario Oficial de Galicia, a solicitude formal deberá presentarse de xeito obrigatorio a través da sede electrónica da Xunta de Galicia. Naqueles casos nos que as familias non dispoñan de acceso electrónico, poderán solicitar a colaboración dos equipos directivos dos centros de ensino onde estean escolarizados os seus fillos.

Cada familia presentará unha única solicitude na que incluirá a totalidade dos fillos e fillas (cada un deles debidamente identificado) que sexan comensais gratuítos e semigratuítos de 1 € no comedor escolar xestionado pola Consellería nun centro de ensino público; así como a información da conta bancaria onde realizar o ingreso da compensación.

Segundo os datos da Consellería, a xaneiro do presente curso, o número de beneficiados por esta medida son preto de 45.000 alumnos, a razón de 40.480 usuarios con comedor gratuíto e 3.813 semigratuíto que pagan 1 euro. Así, no caso dos usuarios de comedor gratuítos a Consellería aboaralles 2,5 euros/día, e no caso dos usuarios semigratuítos recibirán 1,5 euros/día durante os 14 días lectivos computados durante a vixencia da declaración da situación de Emerxencia Sanitaria.

Para tal fin a Consellería de Educación vén de habilitar un crédito de 3 millóns de euros, que é o estipulado para atender os 14 días lectivos que van entre o comezo da suspensión da actividade lectiva presencial e dos servizos educativos complementarios o pasado 16 de marzo ata o día 12 de abril; así como unha previsión no caso dunha eventual segunda prórroga da situación de alarma.

 EMPREGO

Información para autónomos e PEMES
Medidas urxentes de emprego para minimizar o impacto do COVID-19

 

 IGUALDADE

 

XUVENTUDE

Menús Saudables

#EuQuedoNaCasa



Menú en familia
Menús ricos en fibra

Menús comedor escolar

Este sitio web emprega cookies para que vostede teña a mellor experiencia de usuario. Si continúa navegando está dando o seu consentemento para a aceptación das mencionadas cookies e a aceptación da nosa política de cookies, pinche o enlace para maior información. // Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies